[center]
يا غاليه تعبـت مـن عـد الليالـي والنجـوم
النار شبـت وسـط جوفـي والغـلا دخانهـاا
اعيش في غابة حزن واقطف من اغصاني هموم
حتى السعاده فـي طريقـي سكـرت بيبانهـاا
اشيل همي والهموم اثقال فـي الصـدر الكتـوم
وارتاح في ساحة خيالي وارتمي في الحضانهـاا
اصبر واقول الصبر بكره تنجلي معـه الغيـوم
لاكن اشـوف القلـب عيـا لا يفـك اعنانهـاا
تردنـي عنـك الحشيمـه والعوايـد والسلـوم
واخشى من العذال عنـك لا يطـول السانهـاا
يا غايتي يا منوتي لو بعت قلبـي مـن يسـوم
من يشتري قلب(ن) عليه اوسوم حبك عانهـاا
يا ليت لي قدره واحوم مع الطيور الـي تحـوم
مثل الحرار الي تصف الريـش فـي جنحانهـاا
واشيلها من قاع تلمسها على صـدري واقـوم
واضمهـا واحـط ذرعانـي ورى ذرعانـهـاا
المهره الي عجزت في عسفها شيـوخ وقـروم
اطلق شنب يبطي عظم يحلم يمـس ارسانهـاا
تاقف على خط الدفاع وترسـم الخطـه هجـوم
وتحـرر الميـدان وتقلبهـا علـى عدوانهـاا
تاطى على روس الثعال وراعي الطيب محشـوم
تمشي على درب المعـزه والوفـاء عنوانهـاا
يا لي تلوم العاشـق الولهـان تكفـى لا تلـوم
خل السفينه فـي البحـر مـا دامنـي ربانهـاا
والله لولا الخوف من ربي ومن بعـض العلـوم
واخاف من نفسـي عليهـا لا يجـن اجنانهـاا
لكتب وصيه واعترف حققت حلم مـن الحلـوم
لا تطلبون بدمي لا من مـت بيـن احضانهـاا
منقول
الجمعة 24 أبريل 2009, 14:43
